Pyarr Hai Ya Saza - Part 1

Kabhi Kabhi pyarr ko Smjhna hi Bohat Mushkil hota hai.....Aur Aisay main Dosray ko apnay Pyarr ka Ehsaas Dilana Aur bhi Mushkil...........Yeh Aik Aisay hi Shaks ki Kahani hai Jiss nay kissi Say Itna Pyarr Kiya , k Woh Iss Pyarr main Sahi aur Ghalat Ka Farq Bhool gaya aur Phir Ussay Uss Ghalti ki woh Saza Milli Jiss ki Keemat Woh aaj tak Chuka Rha hai.....

Sajjad say mari pehli mulaqat , BBA ki Pehli class main hoie........Sab say alag , Poori class main dominant , Har baat main Aagay.........Uss main aik achi baat yeh thi k woh bohat jald kissi ko bhi Apna bana lata tha , Uss ki Batoon main aisa Jadoo tha k Na-Chah k bhi Dil uss ki taraf khencha chala jata tha...Kissi k Mood ko Theek krna uss k Liye Jaisay Left Hand ki baat ho.....Aur Personality aisii k koi bhi Aashiq ho jaye........

Waisay toh main uss ka Class fellow tha Lakin Hamari Dua Salam hi thi Kabhi Koi Ba-Qaida Baat na hoie thi ....... Mari Uss Say Dosti ka Aghaz aik Test say hoa.

Mujhe Abhi Bhi Yaad hai , Hamara 1st Semester chal rha tha , Bohat Din pehlay Hamary Stats1 k Teacher nay Surprise Class Test ka Kha tha...Yeh Test Bohat Important tha , kyonk Iss k Marks Finals main count hona thay....

Main nay apnii Prepration ussi k Hisab say Kr rkhi thi ... Aik din Achanak Sir nay Test ka Keh diya.... Uss din Sajjad maray Sath walay Desk pay tha.............Pata nhi Sajjad ki prepration nhi thi ya woh Bhool gaya tha , Uss nay aur Kuch aur Class k Students nay Insist toh Bohat kiya Lakin Sir Kaha Man-Nanay walay thay.... Test Start ho gaya.... Sajjad aur Maray Darmyan Sirf aik Chair ka Fasla tha.....Main apna Test kr rha tha , K Achanak Sajjad nay Mujhe Left Side say Hilaya , Main nay dartay hoay dekha toh woh Apnay Pen say Desk pay kuch Bana rha tha.... Jab Kuch Ghoor say Deekha toh Mujhe Realize hoa k woh Bar Bar "2" Likh rha hai....

Pata nhi kaisay Maray Mind main Achanak yeh Baat Aayee k Woh mujh say 2nd Question ka Answer Poch rha hai , Main nay Woh Question Solve kr liya tha.........Mujhe Cheating say bohat darr lagta hai , Aur Waisay bhi Uss waqat tak shaid hi main nay kabhi koi Serious Cheating ki ho ya Phir Krai ho........... Darrtay Darrtay main nay Apna 2nd Question ka Page Desk ki Side Pay Rkh Diya...Aur Uss aik Question Nay Hamain Dosti k relation main bandh diya....

Test Class k Baad Jab hum Next Class k liye Ja rhy thay toh Achanak Peechy say uss nay Mujhe Awaz di...

Sajjad : Falak ! Falak......Yaar Baat Suno Plz...

Main Ruka aur peechy murr k dekha

Me (Falak) : Ji..... Kya baat hai...

Sajjad : Woh Yaar......Woh..... Thanks

Hum nay Sath hi Ahista Ahista Chalna Shrooh kr diya....

Me (Falak) : Thanks kiss liye....Main nay Kabhi kissi Ko Cheating nhi krwai , Lakin Aaj....

Sajjad : (Muskuratay hoay) Wohi toh.....Main nay bhi kabhi Kissi say Cheating nhi ki......

Me(Falak) : (Muskuratay hoay) Hoon..... Shaid..... Janta Hoon main....

Sajjad : (Sharminda sa) Pori baat toh Suno Yaar, Main keh rha tha..... K Aaj say Pehlay , Main nay Kabhi Cheating nhi ki...Woh Yaar Bas , ... 2nd Question ki Weightage Zyada thi , Issi liye Socha k Passing Marks ka Test toh Ho .....

Me(Falak) : Koi Baat nhi......Hota hai kabhi kabhi.....

Hum ClassRoom main Enter hoay , Woh Phir say Mari Sath ki Seat pay beth gaya , Abhi Teacher Nhi aaye thay....Hum Thodi dair k liye Bahir aa gay.

Class k Sab Ladky , Ladkiyan Bahir hi Khaday hoay apas main Baatain kr rhy thay ,Taqreeban Har Koi Test hi Discuss kr rha tha......Sajjad nay Dobara Baat Shrooh ki....

Sajjad : Yaar Statistics toh Mujhe Zehar Lagti hai......Aur Phir Sir Faroq k Parhany ka Andaz.....Don't you think , His way of teaching is Horrible...

Me : hmmm.....Actually woh Apnay Level pay ja k Parhaty hain , aur Bohat si baatoon ko Assume kr latay hain k Students ko Pata Hai....Shaid issi liye Hamain aisa lagta hai....

Sajjad : Exactly.....Lakin tumhary Concepts kafi strong hain iss main.....

Me : Actually Stats Pehlay bhi mara subject reh chuka hai.........F.Sc Main...

Sajjad : (thoda Ghabratay hoay)Aik Baat Kahoon , Agar tum Thodi favour kr do toh....

Mujhe Laga Shaid woh yeh Khy ga k Next Time Bhi main ussay Iss main Cheating Krwaon....

Me (Falak) : Baat?..... Haan Bolo......(Muskuratay hoay)Lakin Sajjad , Main Har Baar Cheating nhi Krwaoon ga.....Aaj toh pata nhi kyon main nay.....Lakin....

Sajjad : Nhi nhi Falak...... Baat Woh Nhi... By God ! main Main Nay Kabhi Cheating nhi ki.....Agar Tum Mujhe Stats ki Tuitions day sktay ho toh?....Yaar Plz......

Me : Main ?....... Lakin main Nay Kabhi....

Sajjad : Yaar Plz.....Man-na Mat krna.... I will pay for it....

Abhi woh yeh Baat kr hi rha tha k Sir Class main Aa gay aur Yeh Baat aisay Hi Adhori reh gaye ......Yeh Last Class thi , Class k Baad main Hostel ko Chal Pada , K Achanak Aik Bike maray Pass Aa kr Ruk gaye.... woh Sajjad Tha....

Sajjad : Hey Falak..... Aao Betho Yaar , Main tumhain Chod data hoon....

Me : Nhi ..... Mara Hostel Kareeb hi hai......

Sajjad : Plz......

Pata nhi aisa kya Tha Uss Plz main K Main Uss say Aagay Kuch nhi keh Paya aur Bike Pay Beth gaya....Main nay Ussay Apna Hostel bataya .... Maray Hostel Pohanch kr , Jab main Thanks keh kr Room main Janay laga , Toh Uss nay Dobara Kaha....

Sajjad : Toh kya Socha Tum nay Falak......

Main uss waqat Uss Baat ko Bilkul Bhool Chuka tha.....Main nay Hairat say Pocha

Me : Sochna...... Kiss baray main....

Sajjad : Woh Tuitions.....

Me : Oh Haan..... Lakin Sajjad Main toh khud Abhi Parh rha hoon , Aur Phir.......Phir Main Room main akela nhi rhta , Hum Do Reh rhy hain , Kya Maloom Maray Roommate ko tumhara Yon Roz Roz maray Room main aana Pasand ho ya Na Ho......

Uss k pass toh aisay Jaisay Har Cheez ka Jawab tha......Uss nay foran kaha......

Sajjad : Toh kya hoa , Hum Libraray main Parh lain gay.....Tum bas mujhe Time Bata Do , Main Ussi Time pay Library pohanch jaon ga....

Me : Lakin....

Sajjad : Plz.....

Me: Acha Kal Say sham 7 Bajay..... Theek hai ?

Sajjad : (Muskuratay hoay) Ok ..... And Thanks Alot.....

Bas Wahi say Hamari Dosti ki Shrooat hoie aur yeh Dosti Kab Pyarr main badal gayee Mujhe Bilkul Andaza nhi hoa....

Uss nay bataya tha k Uss k Mummy PaPa Qatar rehtay hain , Aur woh Yahan Apnay kissi relative ki taraf reh rha hai....Next year Uss nay bhi Hostel main Accomadation lay li.....

Uss Ka Single ka Room Tha Jabk Hamary Halat uss waqat itnay Achy nhi thay issi liye mary Accomadation Tri Seater main thi....

Uss ka Hostel main aana tha k Mara Tamam Waqat uss k Sath Guzarnay laga.....Mujhe Uss k sath rehna Acha lagta tha........ Main Apnay Room main Kam Aur Sajjad k Room main Zyada Rehny laga..... Hum nay tamam Exams ki Tyari Sath hi main ki..... Uss k Woh Stupid say Jokes aaj bhi yaad aatay hain

Maray Zehn main Pata nhi kaisay Yeh Baat Beth chuki thi k woh bhi mujhe Utna hi chahta hai , Jitna Main Ussay......Aur phir kuch baatoon nay mujhe Iss baat ka Yaqeen Bhi Dila diya tha , Lakin Hum Dono main say Kissi nay Iss baat ko Zuban say Zahir nhi kiya tha.........Aur Akhir Main Aisa Kyon Na Smjhta , Uss ka Mujhe Say Apni Har Problem ka Share krna , Apni Choti Si Khushi ko bhi maray Sath Celebrate krna , Maray chehray Say Maray Dil k Haal ka Pata Lagana......Yeh Pyaar k Ishary nhi thay toh Kya tha.....Aur Phir Woh Baat Jiss nay Maray Is Khyal ko Aur Taqat Di , Woh Main kaisay Bhool skta hoon.......

Sab kuch Achy say Chal rha tha..... Hamary 5th Samester ka start Ho chuka tha.....Class nay Trip ka Plan banaya , mujhe aisii Cheezon main zyada Interest nhi tha aur main Trips pay Zyada jata bhi nhi tha, Issi liye kissi nay mujhe Zyada Force nhi kiya.....

Trip k Din ki Subh 6 bajay , Sajjad nay maray Room pay Knock kiya...........Main nay Darwaza Khola....

Sajjad : Falak !.......Abhi tak Soo Rhy ho......Tum abhi tak Tyarr nhi hoay ?

Me : (Hairat say)Tyarr?..... Kiss liye...

Sajjad : Yaar 7 Bajay Hum Yahan say Nikal Jaye gay Trip k Liye ..... We have to reach early at Spot.....

Me : Yeh kya keh rhy ho......(Wapis Bistar ki taraf jatay hoay ) Tumhain Toh Maloom hai k Main nhi ja rha Trip pay.....

Sajjad : (Muskuratay hoay)Kiss nay Kaha , K tum nhi ja rhy..... Tum ja rhy ho....Maray Dost

Me : (Main Muskuraya) Nhi Yaar...... Main phir kabhi jaon ga......Yeh Trips Wagaira bore hi hote hain......... aur waisay bhi main nay Iss k liye Pessay Nhi Diye....

Sajjad : Jo Bhi Ho Falak ...... Jana toh Ab Paray ga , Kyon......k Main nay Tumhary Behalf pay Pessay Day Diye thay......Mujhe Pata tha k Tum Seedhy say toh Mano gay nhi....Issi Liye

Me : Kya!!!.... Yaar lakin Main...... Tum mujh say poch toh latay....

Sajjad : Yaar Hamari Dosti ko Aik Arsa Ho Chuka hai , Kya Abhi Bhi Humain Aik Dosray k Liye pochnay ki Zaroorat hai......Kya Mujhe Itna Haq bhi nhi k Main Apnay Dost k Liye.........Pata Hai Tumhari Iss Baat nay Mujhe Bohat Hurt kiya hai.........

Yeh Keh kr woh Wapisii ko Murnay laga......Uss ka Mujh par iss trha say haq Jatana mujhe Acha laga .....Ussay Roktay hoay main nay kaha

Me : Nhi sajjad.....Suno toh........ Mara woh matlab nhi tha.....Acha mood theek kro Apna, Chalo Main ready ho jata hoon............Tum bhi tyarr ho jao.....

Sajjad nay Mujhe Muskura k dekha aur Bahir chala gaya....Aur main uss k Unhii Alfaz ko yaad krny laga jo uss nay kuch hi dair pehlay Mujh Say khy thay....

"Haq.... Koi kissi ko apna Smjhta hai toh Haq Jatata hai , Iss ka Matlab hai k Sajjad Nay mujhe Apna Smjha.......Itna Apna k Uss nay Mujh say Maray Faislay krnay ka Haq Lay Liya........ Yeh Pyarr nhi toh Aur Kya hai......Ya Allah , Mujhe Bata k main kya kroon.....Akhir Kyon nhi woh Bolta K ussay mujh say Pyarr hai....." Main nay Apnay hi Dil main socha aur Muskuranay laga....

"Main nay usay kitni dafa kaha hai , Jo woh mujh say Kuch Khy..... Ghalti mari hi hai....Mujhe Ussay batana chahiye... Akhir kab tak aisay hi main Iss KashMakash main Uljha rhoon ga.....Kab Tak Iss Aag main Jalta rhoon ga..... "

Khud say Banaye Gay Maray Iss Ehsaas nay , Mujhe Saatwain Aasman pay Pohancha diya tha....Mujhe Khud pay AIk Gharoor sa Honay laga tha.....

Yeh Mari Masoomiat thi Ya Phir.....Maray Dil Main Sajjad Ka Pyarr k Main nay Apnay Khyaloon k Iss Rishtay k Dosray Pehloon pay kabhi ghoor hi nhi kiya....Main Nay Apnay Khyaloon main Sajjad k Pyarr ka Woh Qila Bana liya , Jiss main Maray aur Sajjad k siwa kissi k liye Jagah nhi thi.....

Khair Hum Trip pay Gay , Bohat maza aaya.....Khub Enjoy kiya....Sajjad jab bhi maray sath hota mujhe Woh Pal kabhi bore nhi lagtay.....Uss Trip nay Maray Andar ki Aag ko Aur Hawa Day Di thi......

Din Toh Uss k Sath Guzar Jata , Lakin Raat ko Neend nhi aati.....Kitni Mushkil hoti hai yeh Halat ,Issay Wohi Smjh Sktay hain Jiss nay Khud kabhi Pyarr kiya ho........ Kitni baar dil nay.kaha k Ussay Sab kuch Bata Doon Lakin Phir Aik Anjana Sa Darr Maray Paoon main Bairiyan Daal Data........

Phir Aik Din Uss nay Woh Kaha , Jiss ko Sunn kar Mujhe Apnay Kanoo Par Yaqeen nhi hoa....Taqdeer Aisa Kry gee Kabhi , Socha nhi tha.......

(To Be Continued)