Pyar Hai Ya Saza - Part 2

Uss Din Jaati Sardiyon ki Shaid Woh Akhri Baarish thi .....Bahir Thandi hawa chal rhi thi..........Sham k 6:30 ka Waqat tha , Sardiyon main waisay bhi Raat Jaldi hi ho jati hai aur phir Badloon ki wajah say Uss DIn ANdheera Bhi Bohat Ho Chuka tha.......

Main Apnay Room main Khidki(Window) k kareeb Table pay , Notes bana rha tha , Jab Achanak Maray Pen main say Ink hatam ho gayee.

Main Pen Fill krny hi laga k Sajjad maray Room main aaya.... aur maray Sath wali chair pay beth gaya....Woh kuch Pareshan lag rha tha....Mujh say rha nhi gaya aur main nay Pen ko Papers pay Rkhty hoay Poch hi liya....

Me : Kya Baat hai Sajjad.....Aaj Tum Apnay Room Main nhi thay.......
Kuch Upset bhi lag rhy ho....

Sajjad : hmmm .... Haan yaar .....Aik Baat Krni thi tum say.......

Me : Baat......Konsi baat , Saaf Saaf Kaho ,Ghar Sab theek toh hai
na?

Sajjad : (Sharmatay hoay) Woh main nay bohat Pehlay yeh batana tha
Tumhain , lakin..... Kuch Smjh nhi aati thi k kaisay bataoon.......

Mujhe aisay Laga Jaisay Woh abhi maray Samny Mujh Say apnay pyarr ka Iqraar kr day ga.... mary Dil ki Dhadkan Tez ho gaye aur Mathy Pay paseena Aany Laga...... main nay Pen Ink say Fill krny k liye Dobara Uthaya aur Ussay Fill krtay hoay Kaha....

Me : (Muskuratay hoay)Toh Theek hai...... Pehlay Tum Achi trha
Sharma Lo....Phir Batana.....

Sajjad : Nhi Yaar....Woh.....Main Nay Aaj.....Mara Matlab hai.....

Me: (Hantay hoay) Kya Hoa Aaj.....Jo Itna Ghabra rhy ho.....

Sajjad : Yaar...... I.......I.........Lo....I Love Maham......

Me : Kya........

Maham Hamari Class Fellow thi , Hum Ussay kareeb Do Saloon say Jantay thay....Woh Nihayat Shareef aur Sanjeeda si Ladki thi , Class main bhi bohat Sanjeedgi say rehti thi.....Shakal aur Soorat ki bhi koi Khas toh nhi thi phir Pata nhi kyon Sajjad nay Uss k liye aisa Socha..........Maray Mutabiq toh Uss main Aisii koi Baat nhi thi k Jiss ko Lay Kar Sajjad jaisa Modern , Descent aur achi Family say Belong krny wala Ladka uss Ka Aashiq ho jaye.....Lakin kehtay hain
na K Pyarr toh Andha hota hai....

Uss ka Last Word Maray Dil main Kissi Hanjar ki trha Jubh gaya....Aisay Jaisay Kanoo main Kuch aur Sunnany ki Taqat hi kuch dair k liye Hatam ho gaya ho....Jaisay Dil k sab Arman kissi Sheeshy ki trha Toot k bikhar gay hoon.....

Tabhi Bahir Zoroon ka Tofan Utha , Badal Zor say Garja....Jaisay Marie Bay-Basi pay Matam Mana Rha ho.....Aur Hawa k Aik Zorr k Jhonky Nay Khidki(Window) ko Aik Awaz k sath khool Diya.....Bahir ka Tofan Maray Room main Aa Gaya......aur Table pay Padi Ink ki Khuli hoi Bottle , Table pay Pade Adh likhy Papers pay apnay Nishan Chorti hoie Zameen pay Ja girii.....Aur Toot gayee.....

Uss k Totnay ki awaz say main aik Dam Apni Duniya main Wapis aaya......Sajjad Janay kya kya Bol rha tha....Lakin Uss waqat marie Smjh main kuch nhi aa rha tha.....Sir Pay Aisay Jaisay kissi nay Aik Bada sa Pathar day mara ho....

Main nay Bina kuch Sochy , Apnay Chehray ki Kafiat(Condition) Chupanay k liye , Foran Zameen pay Tooti Bottle k Tukray Uthana Shrooh kr diye.....

Sajjad nay Foran Khidki Band krtay hoay kaha.....

Sajjad : Falak !! Kin Khyaloon main kho gay.....Yaar Khidki toh Theek say Band kr latay....Kitna Nuksan ho gaya hai Tumhara.....See !!! Saray Notes bhi harab ho gay.....

Uss nay Notes ki taraf Ishara krtay hoay kaha.... Main ab bhi Aik Aik kr k Unn Sheshoon (Glass) k Pieces ko Utha rha tha , Jab uss nay Dobara kaha.....

Sajjad : (Muskuratay hoay) Pata hai Falak! Aaj marie Zindagi ka Sab say Haseen din hai.... Yaar main nay Kabhi nhi Socha tha k Main Maham say........Yaar Main nay Ussay Dinner pay Chalny k liye kaha hai....Uss nay Abhi tak koi Jawab nhi diya Lakin mujhe Yaqeen hai k Woh Mann Jaye gee.........Woh Chaly gee na Maray Sath ?

Uss ki Yeh Baat Mujhe Andar Say Aur Torr gaye..... Aur Jo Thodi Bohat Himat Bach gaye thi Woh bhi Hatam honay lagi....Mujh say Apna Aap Smbhalna Mushkil ho rha tha.....

"Yeh Sab kab hoa....Kaisay hoa.....Tum toh maray thay Sajjad , Phir Yeh Aaj.......Aaj Aisa Kya hoa k.......k tum Aisii baatain kr rhy ho.....Maham..... Tumharay Sath.....Pyarr.....Maham......
kaisay.......? Main Kahan hoon Inn sab main ?"

Maray Zehan main aisay Janay kitnay aur sawal Uth rhy thay , Main Chahta tha k Sajjad ko Apni Bahoon main Lay kr Pochoon K Batao Sajjad !! Maray Sawaloon ka Jawab Do......

Innhi Khyaloon main Achanak maray Hath main Kanch Chubh gaya...... Lakin Iss Dard ka Ehsaas , Mujhe Kuch Dair Pehlay Milnay Walay Dard k Aagay Kuch nhi tha.... Mari Hath say Behtay Khoon ko Dekh kr Sajjad nay Gussay say kaha....

Sajjad : Kya Kr Rhy ho.....(Mara Hath Pakadtay hoay)Chodo yeh Sab.....Aur Yeh Kya hai.....Main nay toh Socha tha k Tum maray Sath Ched Charr kro gay.....Pocho gay k Main nay Abhi tak tumhain yeh Sab kyon nhi bataya.....Lakin Tum toh AIsay Behave kr rhy ho jaisay main
nay Kissi k Marnay ki Habar Suna di ho tumhain.....(Muskuratay hoay) Cheers Up Buddy......Kya hoa.....

"Mout toh hoie hai Sajjad....Mari Mout , Aur Maray Sath Sath Maray Pyarr ki Mout.....Jissay Kitnay Armaano Say main nay Iss Dil main Paida kiya tha....Kya Kya Nhi Socha tha Main nay......Bahir k Toffan ko Toh Tum Nay Khidkiyan Darwazay Band kr k Andar Aany Say Rok Diya lakin.....Tumhari Iss Baat Say Jo Tofan Maray Andar Utha Hai , Ussay Kaisay Hatam kro gay Sajjad , Kaisay Roko Gay Ussay" Main nay Sajjad ki Taraf Dekhtay hoay La-Chari K Sath Dil main Kaha.....

Phir Kuch Dair k baad Main nay kaha....

Me : Aisii koi Baat nhi hai....Bas Zara Maray Sir Main Dard Ho rha
hai.....

Sajjad : (Sharmatay hoay) ....Tumhain Lagta hai na K Woh Mara Sath Chaly gee......(Khushi say Aik taraf Dekhtay hoay)Mujhe Ab Bas Uss k Phone ka Intizar hai.......Acha Tum Rest kro ..... Maray Khyal Say Tum Pain Killer Lay kr Kuch Dair k Liye Soo Jao.....Iss Say Tumhain
Acha Feel ho ga..... Aur Ab Inn Kanch k Tookroon(Pieces) ko Hath mat lagana..... Main Servant ko Room main Bhej data hoon.....

Is k Baad Sajjad room say Nikal gaya , Aur main Wahi Zameen pay Beth gaya.....Kuch Dair baad Servant aaya aur Safai kr k Wapis Chala gaya....Uss k Janay k baad main nay Room ko Lock Kiya aur Khidki Khol , Bahir Tofan k Samnay Khada ho gaya...... Socha Shaid Bahir ka Yeh Tofan,Maray Andar k Uss Tofan ko Kuch Kam kr Day...... Sajjad k Sath Maazi Main Guzra Aik Aik Pal Ankhoon k Samny Aany laga.....

"Mari Ghalti hai , Sab Mari Ghalti hai.....Akhir Main nay Kyon Ussay Pehlay Apnay Jazbatoon Say Aashna Na Kraya , Kyon Na Ussay Bataya..... K Woh Mari Zindagi main "Khuda" ka Darja Lay Chuka hai.....Aur Maham.....Woh Toh Ordinary si Ladki hai , Class main Kaisii Shareef si bani rehti thi.....Kabhi Kissi Ladky say Baat Tak nhi krti thi , Phir Akhir Sajjad ka Dhyaan Uss ki Taraf Kaisay Chala gaya......Ya Allah ! Yeh Kya Ho Gaya Achanak......" Main nay Sajjad
k Iss Faisly pay Apnay hi Taraf Say Socha.....

Aur Phir Jab Bahir Dekhtay Dekhtay Thak gaya toh Ankhoon main Bay-Basi Liye, Khidki Band kr k Bistar pay Lait gaya.....

Sajjad Ka Chehra Aik Pal k Liye bhi mari Ankhoon Say Juda nhi ho rha tha....Woh Sab Sawal maray Zehan main aik Tofan Macha rhy thay......

"Nhi Sajjad.....Chahy Ghalti mari ho Ya Kissi Aur ki.....Main Kissi bhi Keemat pay Tumhain Maham Ka Nhi Honay Doon ga.....Maham ki Kya Aukat hai......Woh Tumharay Kabil nhi..... Pyarr toh main Nay Tum say Kiya hai....Sacha Pyarr....Anmool Pyarr....Jiss Main koi Khot nhi.....Agar Waqat nay Mujh say Yeh Moqa Cheen liya hai toh main , Waqat ko Wapis Morron ga , Inn Hathoon ki Lakeeron main Agar Tumhara Sath nhi Likha toh , Main Yeh Lakeerain hi Hathoon say Mitta Doon ga.....Lakin tumhain Har Haal Main Apni Zindagi main La kr Rhoon
ga.....Tumhain Aana hO Ga.....Mujh Say Pyarr ho ga Tum Ko....Zaroor Ho Ga.....Main Tumhain Bataon ga k Pyarr kya hota hai.... Iss Baat ka Ehsaas Dilaon ga K Main Tumhain Kitna Chahta hoon ......Tum Maray liya Kya ho Aur Main Tumharay Liye Kya hoon , Iss Baat ka Ehsaas
Dilana Aab Bohat Zaroori ho gaya Hai Sajjad.........Bohat Hi Zaroori......" Main Janay Kab Tak Yeh Sochta Rha.....Aur Sochtay Sochtay Neend Ki Aghosh main Chala Gaya.....

Uss DIn Main Sir Say Paon Tak Khud aik Tofan Ban Chuka tha....Aik Aisa Tofan Jo Kuch bhi krny k liye Tayar ho , Jo Apni Rah Main aany wali har Cheez ko Jadd Say Ukhadd day......


Agli Subh Main 6 Bajay Utha.....Mujhe Aik Pal k Liye bhi Kuch nhi Bhola tha , Sab kuch Aik Aik Harf k Sath mujhe Yaad tha......Shooroat toh krni thi , Kahi na Kahi say... So Sab Say Pehlay Main Gym gaya.....Uss Din First time main nay Khud k Liye Aisa kuch Socha....Pyarr kya Kya Krwata hai Insaan say.....

Uss Waqat main nay Aik Faisla Lay Liya tha k Main Khud ko aisa bana loon ga K Sajjad ko Maray baray main Sochna hi paday ga....................

Mari Yehi Koshish thi k Kissi Trha Sajjad k Dil main Apnay Liye Pyarr Jaga Doon............Padhai main toh main Pehlay hi Theek thak tha , Aur Phir Gym Janay ki Wajah say Mari Physique main bhi Kuch hi Din Main Change nazar aany laga.....Iss k Sath hi Ahista Ahista Main
nay Apna Hair Style , Dressing Style Sab Change kr liya...... Poori Class ko Hairat toh hoie k Yeh Achanak Mujhe Kya ho gaya hai , Jo main aisay Aik Dam Khud ko Change krny laga hoon.....Lakin main nay Kissi ko Iss ki Wajah Pata na Chalnay di.....

Sajjad ko Impress krtay krtay Class ki Ladkiyan mujh say Impress honay lagi......Lakin mari Soch Ka Markaz toh Sirf Sajjad hi tha........

Sajjad Mujhe Dekhta toh tha aur maray Iss Trha Say Life Main Change Aanay Pay Uss nay Mari Tareef bhi ki , Lakin Janay Kyon Mujhe Woh Satisfaction nhi mill rhi thi Jo main Talash kr rha tha.....Main Sajjad k Munh say Apnay liye Pyarr k woh Ilfaz SunnaNa Chahta tha , Jiss k Liye main nay Khud ko Aisay Change kr liya...........

Sajjad mujh say Apni Har baat krta tha Iss liye mujhe Yeh pata tha k Maham nay Abhi tak, Uss ki Baat ka koi Jawab nhi diya hai....Sajjad nay Class main bhi Maham Say Baat krny ki Koshish ki Lakin Situation aisii Ban hi na Ski.....

Mujhe kahi na Kahi ab yeh Lagna Shrooh ho gaya tha K Maham ka Jawab "Na" main hi ho ga....Lakin Phir bhi aik din Sajjad k pass Gaya aur uss say kaha.....

Me : Kya Baat hai Sajjad...... Kafi Dino say Dekh rha hoon , Tum Bohat Udaas Rehtay ho..... Kal Khelnay k liye bhi nhi aaye....

Sajjad : Tum Jantay toh ho......Yaar....Why? Why ? Maham is Behaving like this........Us nay Abhi tak mujhe Uss baat ka Jawab nhi diya.....Akhir woh Batati kyon nhi.......

Yeh Baat Sunn kr Maray Dil ko Bohat Acha laga , Lakin main nay Aisa Apnay Chehray pay Zahir nhi honay diya....aur kaha

Me : Aisa kYon Kehtay ho.....Woh Bolay gee......Zaroor Bolay
Gee....Agar Ussay tum say Pyarr hai toh woh Zarror Tumhain Jawab Day
Gee.....Lakin Sajjad.......Agar....

Main yeh kehtay hoay rok gaya...

Sajjad : Kya ......Kya Falak?.....

Me : Mujhe Ghalat mat Smjhna Sajjad....... Agar Woh Tum Say .......
(Jhijhktay hoay)Mara Matlab Hai k Kya Pata Woh Tumharay Liye Apnay
Dil Main Aisa koi Khyal hi na Rkhti ho....... Akhir Tum Ussay Jantay
hi kitna ho.....

Sajjad : Nhi Nhi.... Plz Yaar Aisa Mat Kaho.....

Main nay Bat ko Change krtay hoay kaha.....

Me : Acha Chodo Yeh Sab..... Tum nay Pehlay kabhi mujhe nhi bataya
tha k Tum.....Mara matlab hai.....Maham aur Tum ......

Sajjad : Yaar Iss baat ka toh mujhe Khud ko bhi Andaza nhi
tha............Pyarr Aisay hi hota hai....Kab koi Dil Say Acha Lagna
Shrooh ho jata hai , Hamain Pata hi nhi Chalta......Yeh Kuch 15 Din
Pehlay Ki Baat hai......Tum Unn Dino Apnay Grand-Father ki Death pay
Ghar gay hoay thay....Tumhain Toh Yaad ho ga Sir Faisal ki FareWell
Party bhi Ussi Raat ko thi.......Hum Sab Wahi thay.....Uss Din Hum
nay Khub Enjoy kiya.....Aur Ussi din Mujhe Maham ko janany ka Mouqa
milla.....Woh bohat Polite hai , Itni Ahista aur Meethy tareeqy say
Baat krti k Kanoo main Rass Ghul jata hai....Yaar Falak ! Main Khud
ko Uss k Kareeb aany say Rok Nhi Saka......Woh apni har aik baat k
sath Mari Rooh main Utarti Chali gayee........(Muskuratay hoay)Phir
Hamari Mulaqaton ka Silsila Chal Nikla , Hum Bohat Achy Dost Ban
Gay....Aur Yeh Dosti Mari Taraf Say Pyarr main Badal gayee....

"Oh !!! Toh Yeh Tab ki baat hai....Tabhi main Sochoon k Mujh say
kahan Ghalti hoie.....Kab Maham Iss k Itnay Kareeb aa gaye , k Iss
nay Ussay Apnay Sath Dinner pay Lay Chalny ka Keh Diya...." Main
nay Dil main Socha.....

Me : Acha......... toh tum Fikar kyon krtay ho......Bas Allah Par
Bharoosa Rkho.....InshaAllah Wohi Ho ga Jo Tumharay Haq main Behtar
hai....Bas Thoda Intezar kro.....

Sajjad : Main toh Umar Bhar Uss ka Intezar Kr Skta
hoon.....Lakin......Woh bas Aik Dafa Keh day k Woh bhi mujh Say
pyarr krti hai.....Kasam Say Falak ! Dil ko Sakoon mill Jaye Ga....

"Intezar.......hunh.......Jitna Chahy Intezar kro Sajjad......Main
bhi Tumhara Intezar kroon ga.....Lakin Iss Intezar ka Antt Mujh pay
hi Ho ga....Tumhain Mari taraf hi Lout kr aana ho ga...... Mujhe
Yaqeen ho gaya hai K Yeh Tumhara Bharm hi hai k Maham k Dil Main
Tumharay liye Koi pyarr ki Feelings hain , Warna woh tumhain Uss
Baat ka Reply kr dati.....Ab Bas Mujhe Munasib Waqat pay Tumharay
Dil Say Maham ko Nikal kar Khud ki Jagah Banani hai....Aur Apnay
Pyaar ka Izhar krna hai......" Main nay Dil hi Dil main Socha aur
Kaha

Me : Sure.......

Tabhi Sajjad k Mobile ki Bell Baji......Aur Uss k Chehray Pay Khushi
Jabk maray Chehray pay Hairat Dorr gayee....


(To Be Continued)

1 comments:

Contact me